आर्सनल एफए कप फुटबलको पाँचौं चरणमा

एजेन्सी । आर्सनल एफए कप फुटबलको पाँचौं चरणमा प्रवेश गरेको छ । सोमबार राति भएको खेलमा आर्सनलले बर्नमाउथलाई उसैको मैदानमा २–१ गोलले हरायो ।

आर्सनलको जितमा बुकायो साका र इडी एनकेतिहाले गोल गरे । बर्नमाउथका साम सुरिजले सान्त्वना गोल गरेका थिए । साकाले पाँचौं मिनेटमा ग्याब्रियल मार्टिनेलीको पासमा गोल गर्दै आर्सनललाई सुरुवाती अग्रता दिलाए ।

२६ औं मिनेटमा एनकेतिहाले साकाको पासमा गोल गर्दै आर्सनलको अग्रता दोब्बर बाए । बर्नमाउथले दोस्रो हाफको इन्जुरी समयमा पुगेर एक गोल फर्काएको थियो । सामले सिमोन फ्रान्सिसको पासमा गोल गरेपनि टोलीको हार टार्न सकेनन् ।

आर्सनलले बर्नमाउटविरुद्ध अधिकांश दोस्रो रोजाईका खेलाडी खेलाएको थियो । आर्सनलको जितसँगै एफए कपमा प्रिक्वार्टरफाइनल समिकरण पनि पूरा भएको छ । आर्सनलले प्रिक्वार्टरमा पोर्ट्समाउथसँग प्रतिस्पर्धा गर्नेछ । एफएले सोमबार राति नै प्रिक्वार्टरफाइनको ‘ड्र’ सार्वजनिक गरेको हो ।