ट्रकको ठक्करबाट मोटरसाइकल चालकको मृत्यु

चितवन । चितवनमा ट्रकको ठक्करबाट मोटरसाइकल चालकको मृत्यु भएको छ । रत्ननगर नगरपालिका ३ स्थित भ्यु टावर होटल अगाडी बिरगञ्जबाट दाङ जादै गरेको ट्रकले ठक्कर दिदाँ मोटरसाइकल चालक रत्ननगर–४ देबौली बस्ने १९ वर्षीया डेबिट दराईको मृत्यु भएको हो ।

फलामको रड बोकेको बा.प्र.०३–००१ ख १२७७ नम्बरकोे ट्रकले शान्तीचोक बाट टाँडी जाँदै गरेको एएए ८४४२ नम्बरको मोटरसाइकललाई गयराती १ः५० बजे ठक्कर दिदाँ डेबिट गम्भिर घाइते भएका थिए । प्रहरीका अनुसार उनको उपचारको क्रममा राती २ः३१ बजे भरतपुर अस्पतालमा मृत्यु भएको हो ।

यस्तै मोटरसाइकलमा पछाडी सवार रत्ननगरकै १७ वर्षीया सचिन मगर घाइते भएका छन् । उनको भरतपुर अस्पतालमा उपचार भइरहेको छ । घटनापछि प्रहरीले ट्रक र ट्रक चालक महोत्तरी जिल्ला बर्दिबास नगरपालिका–९ बस्ने २४ वर्षीया नमन कुमार खनाललाई नियन्त्रणमा लिएर अनुसन्धान गरिरहेको छ ।

#र्दुघटना