काठमाडौं । नेकपा एमालेका महासचिव शंकर पोखरेलले लोकतान्त्रिक गणतन्त्र सरकारको मात्र सरोकारको विषय नभएको उल्लेख गर्दै जागरणसभामा सहभागी हुन अपिल गरेका छन् ।
चैत १८ गते नेकपा एमालेले आयोजना गरेको देशव्यापी जागरणसभा र मोटरसाइकल र्याली बारे जानकारी दिंदै महासचिव पोखरेलले उक्त कुरा बताएका हुन् । ‘लोकतान्त्रिक गणतन्त्र सरकारको मात्र सरोकारको विषय होइन’ उनले भनेका छन्, ‘जनताको बलिदानीपूर्ण संघर्षको उपलब्धि हो । आम जनताको सरोकारको विषय हो ।’
महासचिव पोखरेलका अनुसार एमालेले आज देशभरका जिल्ला सदरमुकाम र प्रमुख सहरहरूमा गणतन्त्रका पक्षमा जागरणसभा र मोटरसाईकल र्याली आयोजना गरेको छ । काठमाण्डौं उपत्यकामा भने संयुक्त रूपमा मोटरसाईकल र्यालीको आयोजना गरिएको उनले बताए ।
‘आ-आफ्नो अनुकूल ठाउँमा सहभागी बनौं । काठमाडौं उपत्यकाको हकमा बेलुका ४ बजे तीनकुनेमा मोटरसाईकल सहित सहभागी बनौं’ उनले लेखेका छन्, ‘प्रतिगमनको दुश्प्रयासलाई नाकाम बनाऔं । लोकतान्त्रिक गणतन्त्रको पक्षमा दृढता प्रकट गरौं ।’
प्रतिक्रिया दिनुहोस
सफल खबर संवाददाता
सोमबार, १८ चैत्र २०८१, १० : ४२
लेखकबाट थप
सम्बन्धित समाचारहरु
पार्टीका जनसंगठनलाई विवादरहित बनाउनुपर्छ : महासचिव पोखरेल
देशका लागि योगदान दिनेलाई सबैले सम्मान गर्नुपर्छ : महासचिव पोखरेल
जग्गा दान लिनु स्वाभाविक हो, विवाद आवश्यक छैन : महासचिव पोखरेल
प्रधानमन्त्री ओलीलाई अङ्ग्रेजी नआएर ‘डाँफेज’ र ‘गैंडाज’ भन्नुभएको होइन : महासचिव पोखरेल
विदेश गएका नेताका छोराछोरीलाई पार्टी काममा जोड्न एमाले महासचिव पोखरेलको निर्देशन
बालेनको विषय प्रधानमन्त्रीसँग जोड्न जरुरी छैन : महासचिव पोखरेल