पौंदी टारी स्कुलले माघ २१ देखि २४ सम्म स्वर्णमहोत्वस मनाउने

काठमाडौं। बाग्लुङ जिल्लाको बडिगाड गाउँपालिका ग्वालीचौरमा रहेको पौंदी टारी आधारभूत विद्यालयले स्वर्ण महोत्सव मनाउने भएको छ । आगामी माघ २१ देखि २४ गतेसम्म विभिन्न कार्यक्रम गरी महोत्वम मनाउन लागिएको मूल आयोजक समितिले जनाएको छ ।

विशेष कार्यक्रम आयोजना गरी स्वर्ण महोत्सव आयोजना गर्न लागिएको विद्यालयका शिक्षक एवं सूचना अधिकारी राजेन्द्र आचार्यले जानकारी दिए ।

स्वर्ण महोत्वसका अवसरमा विद्यालय स्थापनादेखि हालसम्मका व्यवस्थापक, शिक्षक र विद्यार्थी लगायतको विवरणसहितको स्मारिका प्रकाशित गर्ने लगायत कार्यक्रम तय गरिएको छ ।

यस्तै, पूर्व शिक्षक र विद्यार्थीहरूबीच पुनःमिलन कार्यक्रम आयोजना गर्ने लगायत छन् । विद्यालयका शुभेक्षुकबाट आर्थिक सहयोग संकलन गर्ने र चन्दादातालाई सम्मान गर्ने कार्यक्रम बनाइएको आचार्यले जानकारी दिए । २०३१ सालमा स्थापित यो विद्यालय बाग्लुङको नमूना विद्यालयका रूपमा परिचित छ ।