त्रिविमा डीन लगायतको नियुक्तिमा भइरहेको ढिलाइप्रति स्ववियुले जनायो आपत्ति

काठमाडौँ । त्रिभुवन विश्वविद्यालयमा डीन लगायतको नियुक्तिमा भइरहेको ढिलाइप्रति स्वतन्त्र विद्यार्थी युनियन (स्ववियु)ले आपत्ति जनाएको छ ।

डीन, डाइरेक्टर, क्याम्पस प्रमुखहरू लगायतको नियुक्तिमा महिनौँ ढिला हुनु दुर्भाग्य भएको स्ववियु जनाएको हो । सभापति श्याम राज ओझाले बुधबार एक विज्ञप्ति जारी गर्दै जिम्मेवार तथा जबाफदेही पदमा नियुक्ति ढिला हुनु एक पुस्ताको भविष्य निर्माणमा ढिला भएको बताए ।

मेरिटका आधारमा प्राप्ताङ्क समेत सार्वजनिक गरी पदाधिकारी नियुक्त गरिनुपर्ने जनाएको छ । पारदर्शी तरिकाले विज्ञापन गरी प्रक्रिया समेत पूरा गरिसकेका सबै पदहरूको नियुक्ति यथाशीघ्र गर्न स्ववियुले माग गरेको हो ।