कैलाली । कैलालीको टीकापुर विमानस्थलमा परीक्षण उडान हुने भएको छ । लामो समयदेखि बन्द विमानस्थल सञ्चालनका लागि परीक्षण उडान गर्ने तयारी गरिएको संस्कृति, पर्यटन तथा नागरिक उड्ययन राज्यमन्त्री अरुणकुमार चौधरीले बताए ।
आउँदो कात्तिक ११ गते टेस्ट फ्लाइट गर्ने तयारी रहेको उनले बताए । त्यसका लागि नेपाल वायु सेवा निगमसमेत तयार रहेको बताउँदै नेपाल उड्डयन प्राधिकरणसँग समन्वय भैरहेको उनको भनाइ छ ।
अहिले विमानस्थलमा सरसफाइलगायत तयारीका काम भैरहेको छ । नेपालगञ्ज विमानस्थलबाट इन्जिनियर खटाएर आवश्यक तयारी गरिरहेको उनले बताए ।
टेस्ट फ्लाइटपछि तत्काल छोटो दुरीमा हवाई उडान नियमित गर्नेबारे आफूले पहल गरिरहेको उनको भनाइ छ । छोटो दूरीसँगै विमानस्थलको स्तरोन्नतीगरी टीकापुर-काठमाडौं उडान शुरू गर्ने आफूहरूको लक्ष्य रहेको उनले बताए । विमानस्थल गाई चराउन नभएको भन्दै हवाई उडान शुरू हुने राज्यमन्त्री चौधरीले बताए ।
यसअघि कात्तिक १ गते मन्त्रालयले विमानस्थलको दुवैतर्फको बाटो बन्द गराउन टीकापुर नगरपालिकालाई पत्राचार गरेको थियो । मन्त्रालयले दुवैतर्फको बाटो बन्द गरी विमानस्थल क्षेत्रको उचित सरसफाई गर्ने व्यवस्था मिलाउन निर्देशन दिएको थियो ।
प्रतिक्रिया दिनुहोस
सफल खबर संवाददाता
मंगलबार, ०६ कार्तिक २०८१, ०७ : ५०
लेखकबाट थप
सम्बन्धित समाचारहरु
कराची विमानस्थल नजिक विस्फोट, कम्तीमा दुई चिनियाँको मृत्यु
विमानस्थल आसपास चङ्गा, ड्रोन र बेलुन नउडाउन निर्देशन
बिहीबारदेखि सुकिलुम्बा विमानस्थलबाट हवाई उडान पुनः सञ्चालन हुने
खराब मौसमका कारण उडान प्रभावित
भीषण वर्षाका कारण दिल्ली विमानस्थलको छत खस्यो, ६ जना घाइते
गृहसचिव यात्रुका रूपमा जब विमानस्थल छिरेपछी...