राष्ट्रपति पौडेल आज सुस्ता जाँदै

काठमाडौँ । राष्ट्रपति रामचन्द्र पौडेल आज (बिहीबार) सुस्ता जाँदै छन् । पश्चिम नवलपरासीको सुस्ता गाउँपालिका वडा– ५ मा निर्माण भएको झोलुङ्गे पुल उद्घाटनका लागि उनी त्यसतर्फ जान लागेका हुन् ।

राष्ट्रपति पौडेल दिउँसो २ बजे सुस्तामा पुल उद्घाटन गर्ने कार्यक्रम रहेको राष्ट्रपतिको कार्यालयले जनाएको छ । निर्माण सम्झौता भएको झन्डै दश वर्षपछि झोलुङ्गे पुल बनेको हो ।

पुल निर्माण भएसँगै आफ्नै वडा कार्यालयमा जान पनि भारतको बाटो भएर जानुपर्ने सुस्ताबासीको बाध्यता हटेको छ । नारायणी नदीमा निर्माण भएको एक हजार पाँच सय ५८ मिटर लामो पुल नेपालकै लामो पुल मानिएको छ ।