हानोई । शक्तिशाली ताइफुका कारण भियतनाममा चार जनाको मृत्यु भएको छ । ताइफुले ताइवानको उत्तरी हिस्सालाई सबैभन्दा धेरै प्रभावित पारेको छ । यागीलाई यस वर्षको सबैभन्दा शक्तिशाली ताइफु भनिएको छ । ताइफुका कारण कम्तिमा ७८ जना घाइते भएको बताइएको छ ।
इन्डो–प्यासिफिक ट्रपिकल चक्रवात चेतावनी केन्द्रका अनुसार शनिबार बिहान ताइफु करिब २०३ किलोमिटर प्रतिघण्टाको गतिले ताइवानको हाइ फोङ र क्वाङ निह राज्यमा पुगेको थियो । शक्तिशाली आँधीका कारण उडेको धुलोले भवनका झ्याल र सवारी साधनमा समेत क्षति पुगेको छ ।
हनोईमा धेरै रुखहरू ढलेको र बिजुलीको पोल ढल्दा विद्युत आपूर्तिमा पनि समस्या देखिएको छ । ताइवानको उत्तरी राज्य क्वाङ निहमा मात्रै ताइफुका कारण तीन जनाको ज्यान गएको सरकारी सञ्चारमाध्यमले जनाएका छन् । हनोई नजिकैको हाइ दुआङमा एक जनाको मृत्यु भएको छ । सोही क्षेत्रमा कयौं मछुवाराहरू हराइरहेको बताइएको छ ।
प्रतिक्रिया दिनुहोस
सफल खबर संवाददाता
आइतबार, २३ भदौ २०८१, ११ : ०१
लेखकबाट थप
सम्बन्धित समाचारहरु
छुट्टाछुट्टै स्थानमा डुबेर दुई जनाको मृत्यु
चीनमा चक्कु प्रहारबाट १० वर्षीय बालकको मृत्यु
राउटे समुदायका एक युवकको मृत्यु, १३४ मा झर्यो जनसङ्ख्या
पेजर–वाकी टकी विस्फोटमा लेबनानमा अहिलेसम्म ३२ जनाको मृत्यु
लेबनानमा वाकिटकी आक्रमणमा २० जनाको मृत्यु
बाढी र पहिरोका कारण म्यानमारमा २०० भन्दा धेरैको मृत्यु