बुटवल । लुम्बिनी प्रदेशका मुख्यमन्त्री चेतनारायण आचार्यले तत्काल किसानलाई दुधको भुक्तानी दिन नेपालगन्ज दुग्ध वितरण आयोजनालाई निर्देशन दिएका छन्।
मुख्यमन्त्री तथा मन्त्रीपरिषद् कार्यालय राप्ति उपत्यका देउखुरीमा आज नेपालगन्ज दुग्ध वितरण आयोजनाका प्रमुख सहित कर्मचारीहरुसंग भएको छलफलमा मुख्यमन्त्री आचार्यले ६–७ महिना देखि दुधको भुक्तानी हुन नसक्दा किसानलाई मर्का परेको भन्दै अविलम्ब भुक्तानी गर्न निर्देशन दिएका हुन्।
उनले दुधको भुक्तानी रोकिँदा चौतर्फी असर परेको भन्दै छिटो भुक्तानी गर्नुपर्ने बताए। उनले यस विषयमा संघीय सरकारसँग पनि पहल गर्ने बताए । गत पुस महिनाबाट किसानले दुधको भुक्तानी पाएका छैनन् । दुग्ध विकास संस्थानले दुधको भुक्तानीको लागि अर्थ मन्त्रालयमा ६० करोड रुपैयाँ माग गरेको छ ।
लुम्बिनी प्रदेशको बाँकेको कोहलपुरमा रहेको नेपालगन्ज दुग्ध वितरण आयोजनाले मात्रै २० करोड रुपैयाँ भुक्तानी गर्न बाँकी छ ।
भेटमा नेपालगन्ज दुग्ध वितरण आयोजनाका प्रमुख दिलिप चौधरी दुधमा आत्मनिर्भताको लागि नेपालगन्ज दुग्ध वितरण आयोजनाको क्षमता विस्तार गर्न प्रस्ताव गरे। ।
नेपालगन्ज दुग्ध वितरण आयोजनाले दाङको शान्तिनगर दुग्ध चिस्यान केन्द्र, लमही दुग्ध चिस्यान केन्द्र, बर्दियाको सानोश्री, भूरिगाउँ चिस्यान केन्द्रबाट दुध संकलन गर्दै आएको छ । यस्तै सुर्खेतको छिन्छु दुध चिस्या केन्द्र र कोहलपुर आयोजना कार्यालयबाट समेत दुध संकलन हुँदै आएको छ ।
एक सय ११ सहकारी संस्थाबाट हजारौं किसानले दुध विक्रि वितरण गर्दै आएका छन् । उद्योगबाट प्रतिघण्टा एक हजार लिटर दुध प्रशोधन गर्न सक्ने क्षमता छ । हाल दैनिक १२ हजार लिटर दुध संकलन हुँदै आएको आयोजना कार्यालयले जनाएको छ ।
प्रतिक्रिया दिनुहोस
सफल खबर संवाददाता
विहीबार, १३ भदौ २०८१, १६ : ४३
लेखकबाट थप
सम्बन्धित समाचारहरु
खेल क्षेत्रले देशलाई चिनाएको छः मुख्यमन्त्री आचार्य
गुणस्तरीय स्वास्थ्य सेवा दिन सरकार प्रतिबद्ध छ : मुख्यमन्त्री आचार्य
विद्यालयका हरेक क्षेत्रलाई सुधार गर्न सरकारले प्राथमिकतामा राखेको छ : मुख्यमन्त्री आचार्य
लुम्बिनी र गण्डकीका मुख्यमन्त्री रानीमहलमा
मुलुकको समृद्धिका लागि विदेश जाने सपना त्याग्न मुख्यमन्त्री आचार्यको आग्रह
प्रदेश सरकारले टुक्रे योजनालाई निरुत्साहित गर्ने रणनीति बनाएको छ : मुख्यमन्त्री आचार्य