प्रस्तावित राजदूतहरूको संसदीय सुनुवाइसम्बन्धी कार्यतालिका सार्वजनिक

काठमाडौँ । विभिन्न १७ देशका लागि सिफारिस भएका राजदूतहरूको संसदीय सुनुवाइका लागि सम्भावित कार्यतालिका सार्वजनिक गरिएको छ । संसदीय सुनुवाइ समितिको कार्यविधि, २०८० को दफा १५ अनुसार उनीहरूको सुनुवाइ हुन लागेको हो ।

प्रस्तावित कार्यतालिका अनुसार भदौ १४ गते उजुरीकर्ताहरूलाई समिति समक्ष आमन्त्रण गरी उजुरी सुनिनेछ । त्यसपछि भदौ १६ गतेदेखि २० गतेसम्म प्रस्तावित राजदूतहरूलाई समितिमा आमन्त्रण गरी सुनुवाइ गरिने बताइएको छ ।राजदूतहरूबारे २४ गते र २५ गते छलफल गरी निर्णय सुनाइने कार्यतालिकामा उल्लेख छ ।