लुम्बिनीका मुख्यमन्त्री आचार्यले गरे शपथ ग्रहण

बुटवल । लुम्बिनी प्रदेशका नवनियुक्त मुख्यमन्त्री चेतनारायण आचार्यले पद तथा गोपनीयताको शपथ ग्रहण  गरेका छन् । 

प्रदेश प्रमुख अमिक शेरचनको कार्यालय, बुटवलमा बुधबार बिहान मुख्यमन्त्री आचार्यले शपथ लिएका हुन् ।​

शपथलगत्तै मुख्यमन्त्री आचार्यले मुख्यमन्त्री तथा मन्त्रिपरिषद्को कार्यालय, देउखुरी पुगेर पदभार ग्रहण गर्नेछन् । 

नेपाली कांग्रेस र नेकपा एमालेका ५६ सांसदको समर्थनमा एमाले संसदीय दलका उपनेता आचार्य सोमबार मुख्यमन्त्री नियुक्त भएका थिए । 

प्रदेश प्रमुख शेरचनले अर्घाखाँचीबाट निर्वाचित आचार्यलाई संविधानको धारा १६८ को उपधारा २ अनुसार मुख्यमन्त्री नियुक्त गरेका हुन् ।

८७ सदस्य प्रदेशसभामा सरकार गठनको लागि ४४ सांसदको समर्थन आवश्यक पर्छ ।