लुम्बिनीका मुख्यमन्त्री आचार्यको शपथ बुधबार

बुटवल। लुम्बिनी प्रदेशका नवनियुक्त मुख्यमन्त्री चेतनारायण आचार्यको शपथ तथा पदभार ग्रहण बुधबार हुने भएको छ । प्रदेश प्रमुख कार्यालयका प्रवक्ता धर्मा अर्याल बेलबासेका अनुसार बुधबार बिहान ८.३० बजे शपथ तथा पदभार ग्रहण कार्यक्रम तय गरिएको छ ।

बुटवलस्थित प्रदेश प्रमुखको कार्यालयमा शपथग्रहण हुनेछ ।प्रदेश प्रमुख अमिक शेरचनले अर्घाखाँची क्षेत्र नं १ (१)बाट निर्वाचित आचार्यलाई सोमबार मुख्यमन्त्रीमा नियुक्त गरेका हुन् ।संसद्‌मा एमालेका २९ र कांग्रेसका २७ सांसद छन् ।