काठमाडौँ । लुम्बिनी प्रदेशका मुख्यमन्त्री जोखबहादुर महराले पदबाट राजीनामा दिएका छन् । उनको राजीनामा पछि मुख्यमन्त्रीमा नेकपा एमालेले दाबी पेश गर्ने तयारी गरेको छ ।
एमालेले समर्थन फिर्ता लिएपछि मुख्यमन्त्री महराले आज विश्वासको मत लिने कार्यसूची थियो । तर विश्वासको मत नपुग्ने निश्चित भएपछि उनले प्रदेश सभालाई सम्बोधन गर्दै पदबाट राजीनामा दिएका हुन् ।
कामचलाउ भएर एक छिन पनि बस्न नसक्ने बताउँदै उनले काँग्रेस-एमालेलाई नयाँ सरकार छिटो बनाउन आह्वान गरे । महराको राजीनामा पछि काँग्रेस–एमालेले नयाँ सरकार गठनको तयारी गरेका छन् । दुई दलबीच एमाले संसदीय दलका नेता लीला गिरीलाई मुख्यमन्त्रीको रूपमा अघि सार्ने सहमति भएको एमाले प्रमुख सचेतक तुलसीप्रसाद चौधरीले जानकारी दिए । यसअघि काँग्रेस र एमालेबीच मुख्यमन्त्री को बन्ने भन्ने टुङ्गो लागेको थिएन ।
महराले राजीनामा दिएपछि प्रदेश प्रमुखले आजै नयाँ सरकार गठनका लागि आह्वान गरेमा गिरीले आज नै मुख्यमन्त्रीमा दाबी पेश गर्ने एमाले प्रमुख सचेतक चौधरीले बताए ।८७ सदस्यीय लुम्बिनी प्रदेश सभामा एमालेका २९ र काँग्रेसका २७ सांसद भएकाले दुई दल मिल्दा स्पष्ट बहुमत पुग्छ ।
प्रतिक्रिया दिनुहोस
सफल खबर संवाददाता
आइतबार, ०६ साउन २०८१, १५ : २५
लेखकबाट थप
सम्बन्धित समाचारहरु
एम्बुलेन्सको स्तरोन्नति गर्न प्रदेश सरकारको परिपत्र
लुम्बिनी प्रदेशका मुख्यमन्त्री चेतनारायण आचार्य
लुम्बिनीमा मन्त्रीहरुले पाए जिम्मेवारी, कसलाई कुन् मन्त्रालय ?
लुम्बिनीको मुख्यमन्त्रीमा एमालेका चेतनारायण आचार्यको दाबी पेश
एमालेले चेतनारायण आचार्यलाई लुम्बिनीको मुख्यमन्त्रीमा बनाउने
चालु आर्थिक वर्ष लुम्बिनीको बजेट खर्च ६६ प्रतिशत, कुन मन्त्रालयको कति ?