काठमाडौं । उपसभामुख इन्दिरा रानाले बिचौलियासँग साँठगाँठ गरेर केही युवालाई अमेरिका पठाउन दूतावासमा सिफारिस गरेको आरोप लागेको छ । राष्ट्रिय स्वतन्त्र पार्टीबाट उपसभामुख बनेकी रानाले नेपालस्थित अमेरिकी दूतावासमा केही युवालाई भिसा दिलाउन भन्दै आफ्नो कार्यालयको लेटरहेडमा सिफारिस गरेको पत्र बाहिरिएको छ ।
अमेरिकी दूतावासलानई भीसा दिन माग गर्दै लेखेको पत्र बाहिरिएपछि सत्तारुढ दल नेपाली कांग्रेसले उनको राजीनामा मागेको छ । प्रतिनिधि सभाको राज्य व्यवस्था तथा सुशासन समितिका सभापति रामहरि खतिवडाले उपसभामुख रानाले पदीय आचरण विपरितको कार्य गरेकाले तुरुन्तै राजीनामा दिनुपर्ने बताए । रानाले रकम उठाएर अमेरिका नपाएका पीडितहरुले खतिवडा सभापति रहेको राज्यव्यस्था समितिमासमेत उजुरी गरेका छन् । सो उजुरीबारे विस्तृत अध्यक्ष भईरहेको उनले जानकारी दिए ।
‘उपसभामुख जस्तो मर्यादित पदमा बसेको व्यक्तिले यस्तो कार्य गर्न सुहाउँदैन । उहाँले ६ गते प्रतिनिधि सभा बैठक बस्नुअघिनै आफ्नो पदबाट राजीनामा दिनुपर्छ । जान्नेलाई छान्ने पार्टीले उपसभामुख बनाएको व्यक्तिबाट यस्तो कार्य हुनु सोभनीय भएन् । यसबारेमा उहाँ र उहाँको दल रास्वपाले जवाफ दिनुपर्छ’ खतिवडाले रिपोर्टर्स क्लब नेपालका लागि पत्रकार कमल बुढाथोकीसँग संक्षिप्त कुराकानी गर्दै भने ।
उपसभामुख रानामाथि यस्तो गम्भीर आरोप लाग्दा पनिउ नी र उनको सचिवालयले कुनै पनि प्रतिक्रिया जनाएको छैन् । यता रानालाई उपसभामुख बनाएको राष्ट्रिय स्वतन्त्र पार्टीले पनि यसबारेमा केही पनि टिप्पणी गरेको छैन् । प्रतिनिधि सभाको बैठक आइतबारका लागि डाकिएको छ । सो समयसम्म रानाले राजीनामा नदिए सदन चर्काउने सत्तारुढ दलका सांसदको तयारी छ ।
प्रतिक्रिया दिनुहोस
सफल खबर संवाददाता
विहीबार, ०३ साउन २०८१, १५ : १९
लेखकबाट थप
सम्बन्धित समाचारहरु
भैरहवामा 'खुल्ला मिनी म्याराथन प्रतियोगिता' गर्दै कांग्रेस
काँग्रेसको केन्द्रीय समितिको बैठक आज बस्दै
गगनको प्रतिवेदन परिमार्जनसहित केन्द्रीय समितिमा पेस गरिने
कांग्रेस शीर्ष नेताहरूको बैठक बस्दै, यस्तो छ छलफलको एजेन्डा
कांग्रेसमा शिक्षा नीति निर्माणको माग गर्दै सानेपामा पत्र दर्ता
कांग्रेसको पेशागत तथा बुद्धिजीवी विभागमा १० सदस्य मनोनीत