पहिरोले अवरुद्ध कर्णाली राजमार्ग खुल्यो

सुर्खेत । पहिरोका कारण अवरुद्ध भएको कर्णाली राजमार्ग खुलेको छ । पहिरो पन्छाउने काम सकिएसँगै राजमार्ग खुलेको हो । राजमार्ग खुलेसँगै शुक्रबार बिहानदेखि रोकिएका सवारी साधनहरु गन्तव्यतिर लागेका छन् ।

जिल्ला प्रहरी कार्यालय दैलेखका प्रहरी प्रमुख सुनील दाहालका अनुसार गएरातिको वर्षाले राजमार्गको दैलेख खण्डका पाँचवटा ठाउँमा पहिरो गएको थियो ।प्रहरी, सशस्त्र प्रहरी लगायतको रोहवरमा राजमार्ग खुलाएसँगै सवारी साधन आवत–जावत सुरु भएको उनले बताए ।