सर्लाही। सर्लाहीको लालबन्दीबाट प्रहरीले ठुलो परिमाणमा लागुऔषध गाँजा बराबद गरेको छ । बुधबार राति सवा ११ बजे सिन्धुलीको मरिनखोलाबाट लालबन्दीतिर ल्याइँदै गर्दा इलाका प्रहरी कार्यालय लालबन्दीले २४४ किलो गाँजासहित बोलेरो चालकलाई नियन्त्रणमा लिएको हो ।
पक्राउ पर्ने चालक सोही नगरपालिका–१ नवलपुरका २५ वर्षीय सुशील चौधरी रहेका छन् ।
विशेष सूचनाका आधारमा इलाका प्रहरी कार्यालय लालबन्दीका इन्सपेक्टर सुजन पाठक र लालबन्दी नगरपालिका–११ हीरापुरमा रहेको प्रहरी चौकी पत्थरकोटबाट खटिएको टोलीले सोही नगरपालिका–१३ पत्थरकोट चोकबाट बा२०च १७८२ नम्बरको बोलेरो गाडीसहित चालकलाई नियन्त्रणमा लिएको जनाएको छ ।
धानको भुसाको बोरामा लुकाएर रातो प्लास्टिकमा प्याक गरिएका ४५ पोका अर्थात् २४४ केजी गाँजा प्रहरीले पक्राउ गरेको हो ।
गाँजा र चालकलाई नियन्त्रणमा लिई थप अनुसन्धानका लागि इलाका प्रहरीमा राखिएको छ । गाँजा बरामद भएको उक्त स्थान इप्रका लालबन्दीबाट अन्दाजी पाँच किलोमिटर उत्तरमा पर्छ ।
_20230426170005.jpg)
प्रतिक्रिया दिनुहोस
सफल खबर संवाददाता
विहीबार, ०४ बैशाख २०८२, १४ : २५
लेखकबाट थप