काठमाडौं। चीनमा लगेर नेपाली युवती बेचनबिखन गरेको आरोपमा प्रहरीले उदयपुरको त्रियुगाकी सुन्दरी राईलाई पक्राउ गरेको छ । राईले समाजिक सञ्जालमार्फत चिनजान भएकी एक युवतीलाई चिनियाँ नागरिकसँग विवाह गरेर चीन गए राम्रो हुने आश्वासन दिएकी थिइन् ।
नेपाल प्रहरीको मानव बेचबिखन अनुसन्धान ब्युरोका प्रवक्ता एसपी गौतम मिश्रका अनुसार राईले ठमेलमा बोलाएर युवतीलाई चिनियाँ केटासँग भेटाएकी थिइन् ।
राईकै योजनाअनुसार गत फागुन १० गते युवती चीन पुगिन् । चीनमा युवती पुर्याएपछि राईले उनलाई एक लाख ५० हजारमा बिक्री गरेर फर्किइन् ।
पीडितले ब्युरोमा बताएअनुसार चिनियाँ केटाले उनलाई मानसिकसँगै शारीरिक यातना पनि दिएका थिए । आफूमाथि पटक–पटक यौनशोषण भएपछि पीडित युवतीलाई चीनस्थित नेपाली राजदूतावासको समन्वयमा यही असार ९ गते नेपाल उद्दार गरिएको जानकारी एसपी मिश्रले दिए ।
युवतीकै जाहेरीका आधारमा आरोपी राईलाई पक्राउ गरेर मानव बेचबिखन तथा ओसारपसार मुद्दामा अनुसन्धान भइरहेको ब्युरोले जनाएको छ ।
प्रतिक्रिया दिनुहोस
सफल खबर संवाददाता
विहीबार, १३ असार २०८१, १६ : ४२
लेखकबाट थप
सम्बन्धित समाचारहरु
एक किलो २४७ ग्राम कोकिनसहित दुई तानजेनियन नागरिक पक्राउ
जुवातास खेलिरहेको अवस्थामा २२ जना पक्राउ
२०८ किलो गाँजासहित पाँच जना पक्राउ
थमन विक हत्या प्रकरण : फरार प्रतिवादी यादव पक्राउ
लालीगुँरास सहकारीका अध्यक्षसहित चार जना पक्राउ
सुमदरानी थारुको हत्यामा संलग्न आरोपमा शैलेन्द्र चौधरी पक्राउ