काठमाडौँ । नेकपा एकीकृत समाजवादीका सम्मानित नेता झलनाथ खनालले पार्टीको नयाँ नेतृत्व सकेसम्म सहमतिका साथ चयन गर्नुपर्ने बताएका छन् । पार्टीको दशौं राष्ट्रिय महाधिवेशनको उद्घाटन समारोहमा शुभकामना मन्तव्य राख्दै नेता खनालले यस्तो बताएका हुन् ।
उनले नेतृत्व चयनका सवालमा सहमति नभए प्रतिस्पर्धाको बाटोमा समेत जान सकिने बताए । फरक प्रसङ्गमा खनालले देशको आर्थिक सामाजिक रूपान्तरण गर्न सबै दलहरूबिच मैत्रीपूर्ण प्रतिस्पर्धा गर्नुपर्ने पनि बताए ।
‘यो पार्टीले पहिलो पटक साहसका साथ संविधानले भनेको वैज्ञानिक समाजवादको कार्यक्रम अघि सारेका छ । यसले समाजवादी आन्दोलनलाई समाजवादसम्म पुर्याउने आधार निर्माण गर्न सक्छ’, खनालको भनाइ छ ।
उनले देशमा भ्रष्टाचार नियन्त्रणका साथै सामाजिक आर्थिक रूपान्तरण गर्न जरुरी रहेको भन्दै विकृतिको उरुङ कसरी बढार्ने भनेर प्रतिस्पर्धासँगै दलहरूबिच सहकार्य पनि गर्नुपर्ने बताए । ‘गम्भीर राष्ट्रिय सवालमा किन एकताबद्ध भएर अघि बढ्न सक्दैनौ ?’, खनालको प्रश्न छ ।
प्रतिक्रिया दिनुहोस
सफल खबर संवाददाता
आइतबार, १६ असार २०८१, १६ : ४२
लेखकबाट थप
सम्बन्धित समाचारहरु
एमसीसी अनुमोदन नेपालको कम्युनिस्ट आन्दोलनकै ब्लन्डर हो : झलनाथ खनाल
समाजवादको एजेन्डा विना एमाले टिक्न सक्दैन : झलनाथ खनाल
माधव बूढानीलकण्ठ गएपछि खनाल पुगे बालुवाटार
सत्ता समीकरणको एकतालाई समझदारीयुक्त बनाउन प्रधानमन्त्री प्रचण्डलाई खनालको आग्रह
नयाँ वर्षमा नेता खनालको आह्वान- घमण्ड त्यागौं, कम्युनिस्ट आन्दोलन पुनर्गठन गरौं
विदेशीहरुको अपेक्षा गरेर मात्रै देशको विकास सम्भव छैनः नेता खनाल