काठमाडौँ । आज साँझ ७ः१५ मा भारतको नयाँ दिल्लीको राष्ट्रपति भवनमा भारतीय प्रधानमन्त्री नरेन्द्र मोदीको तेस्रो प्रधानमन्त्रीत्वको शपथ हुँदैछ । शपथग्रहणमा बोलाइएको आठ हजार निम्तालुमा विपक्षी गठबन्धनका नेताहरू नआउने बताइएको छ । भारतीय मिडिया बिजनेस स्टान्डर्डका अनुसार विपक्षी गठबन्धनको प्रमुख घटक कंग्रेस नेताले निम्तो नआएको बताएका छन् ।
कङ्ग्रेसका महामन्त्री जयराज रमेशका अनुसार विपक्षी इन्डिया गठबन्धनलाई निम्तो गरिएको छैन । उनले मोदी सहभागी गठबन्धन एनडिए नेसनल डेमोक्रेटिक अलायन्स नभएर नरेन्द्र डिस्ट्रक्टिभ अलायन्स भएको समेत टिप्पणी गरेका छन् ।
मोदीको आज शपथग्रहण हुँदै गर्दा विपक्षी नेताहरूले उनी विरुद्ध चर्का भाषण गरिरहेका छन् । पश्चिम बङ्गालका ४२ सिटमा २९ सिट जितेर सबैभन्दा धेरै सिट ल्याएकी त्रिणमुल कङ्ग्रेसकी नेतृ ममता बेनर्जीले मोदीको नयाँ सरकार अलोकतान्त्रिक र गैरकानूनी भएको टिप्पणी गरेकी छिन् ।
पश्चिम बंगालबाट प्रकाशन हुने अखबार दी स्टेट्सम्यानका अनुसार ममताले कालिघाट आवास क्षेत्रमा भएको कार्यक्रममा शनिवार आफ्ना सांसदहरूलाई भेला गरेर यस्तो बताएकी हुन् ।
बिजेपीले चुनाव हारेको भन्दै मोदीले सत्ता छोडेर अरूलाई स्थान दिनुपर्ने पनि ममताले कार्यक्रममा बताएकी थिइन् । आज शपथ लिने मोदीले यही हप्ता जी ७ को बैठकमा सहभागी हुन इटाली यात्रा गर्ने भारतीय अखबार हिन्दुस्तान टाइम्सले उल्लेख गरेको छ ।
प्रतिक्रिया दिनुहोस
एजेन्सी
आइतबार, २७ जेठ २०८१, १२ : ३२
लेखकबाट थप
सम्बन्धित समाचारहरु
नवनियुक्त प्रधानमन्त्री ओलीलाई मोदीले दिए बधाइ
तेस्रोपटक प्रधानमन्त्री बनेपछि पहिलोपटक वाराणसी जाँदै मोदी
मोदीको शपथ ग्रहण समारोहमा जाने तयारीमा प्रधानमन्त्री प्रचण्ड
मोदीलाई तेस्रो कार्यकालका लागि देउवाको बधाई
डेढ लाखभन्दा बढी मतले वाराणसीबाट नरेन्द्र मोदी विजयी
भारतका प्रधानमन्त्री नरेन्द्र मोदीसँग कति छ सम्पत्ति ?