काठमाडौं। नयाँ दिल्ली– प्रधानमन्त्री नरेन्द्र मोदीले मङ्गलबार पपुवा न्युगिनीमा पहिरोमा परी ज्यान गुमाउने सङ्ख्या करिब ६७० जनाका परिवारप्रति समवेदना प्रकट गर्दै घाइतेको शीघ्र स्वास्थ्य लाभको कामना गरेका छन् ।
प्रधानमन्त्री मोदीले पपुवा न्युगिनीमा भएको घातक पहिरोबाट ज्यान गुमाएको र क्षति भएकोमा दुःख व्यक्त गरे । उनले यस दु:खद् घडीमा भारत सबै सम्भव सहयोग गर्न तयार रहेको कुरामा जोड दिए ।
पपुवा न्युगिनीमा विनाशकारी पहिरोबाट भएको मानवीय र अन्य क्षतिप्रति हामी गहिरो दुःख व्यक्त गर्दछौँ । हामी पीडित परिवारप्रति हार्दिक समवेदना प्रकट गर्दछौँ र घाइतेको शीघ्र स्वास्थ्य लाभको लागि प्रार्थना गर्दछौँ । भारत सबै सम्भव सहयोग प्रदान गर्न तयार छ, प्रधानमन्त्री मोदीले सामाजिक सञ्जाल एक्समार्फत भने ।
गत हप्ता शुक्रबार उत्तरी पपुवा न्युगिनीको पहाडी क्षेत्र एन्गामा विनाशकारी पहिरो गएको हो । देशमा आप्रवासनका लागि अन्तर्राष्ट्रिय सङ्गठन (आईओएम)का मिसन प्रमुखको अनुमानअनुसार पहिरोमा परी ६७० जनाको ज्यान गएको बताएका छन् । तर पपुवा न्युगिनीको विपद् एजेन्सीको पछिल्लो प्रक्षेपणअनुसार यो आकलन कम हुन सक्ने बताएका हुन् ।
‘पहिरोमा दुई हजारभन्दा बढी मानिस पुरिएका छन्, खेतीयोग्य जमिन तथा भवन विनाश भएका छन् । देशको अर्थतन्त्रमा ठूलो असर पारेको छ,’ राष्ट्रिय विपद् केन्द्रका कार्यवाहक निर्देशक लुसेट लासो मानाले संयुक्त राष्ट्र सङ्घलाई लेखेको पत्रमा जानकारी गराए ।
‘स्थिति अस्थिर छ, पहिरो बढ्दै गइरहेको छ, जसले उद्धार टोली र बाँचेका दुवैका लागि जोखिम छ,’ उनले भने ।अधिकारीका अनुसार यम्बली गाउँका एक सय पचासभन्दा बढी घर भासिएका छन् र यस क्षेत्र चरम जोखिममा रहेको छ बताएका छन् ।
प्रतिक्रिया दिनुहोस
सफल खबर संवाददाता
मंगलबार, १५ जेठ २०८१, १४ : ०४
लेखकबाट थप
सम्बन्धित समाचारहरु
मोदीले उद्घाटन गरेको शिवाजी महाराजको मूर्ति ८ महिनामै ढल्यो
युक्रेनको राजधानी कीभ पुगे मोदी
भारतीय प्रधानमन्त्री मोदी बुधवार पोल्यान्ड प्रस्थान, त्यसपछि युक्रेन जाने
मोदी र मलेसियाली समकक्षीबीच भेटवार्ताः साझेदारीलाई अझ बढाउन छलफल
बंगलादेशमा हिन्दुहरूको सुरक्षा सुनिश्चित गरिनुपर्छ : प्रधानमन्त्री मोदी
भारतीय प्रधानमन्त्री मोदीले दिए समकक्षी ओलीलाई औपचारिक बधाई