पहिलो जित निकाल्न संघर्ष गर्दै कोशी, सुजनले हाने अर्धशतक

काठमाडौं । प्रधानमन्त्री कप एकदिवसीय क्रिकेटमा बागमती प्रदेशविरुद्ध कोशी प्रदेशका ब्याटर सुजन थपलियाले अर्धशतक पूरा गरेका छन् ।

बागमतीले दिएको २७४ रनको विशाल लक्ष्य पछ्याएको कोशीका लागि थपलियाले ६० बलमा ३ छक्का र ३ चौका प्रहार गर्दै ५० रन बनाएका हुन् । यसअघि उनले पुलिसविरुद्धको खेलमा शानदार शतक प्रहार गरेका थिए ।

बागमती सँगको खेलमा यसअघि कोशीका कप्तान अंकित सुवेदीले पनि ५३ रनको अर्धशतकीय पारी खेलेका थिए । ४ खेलमा जिनविहीन रहेको कोशी आज पहिलो जितको खोजीमा रहेको छ भने बागमती तेस्रो जित निकाल्ने सोचमा छ ।

ताजा अवस्थामा कोशीले ३३ ओभरमा ५ विकेट गुमाएर १४४ रन जोडेको छ ।