काठमाडौं महानगरले प्रत्येक ५ सय मिटरमा सार्वजनिक शौचालय बनाउने, वडासँग माग्यो प्रगति विवरण

काठमाडौं। काठमाडौं महानगरपालिकाले महानगरभित्र प्रत्येक ५ सय मिटरमा आधुनिक सार्वजनिक शौचालय बनाउने भएको छ ।महानगरले शौचालय निर्माणको प्रगतिबारे सबै वडासँग प्रगति विवरण माग गरेको छ ।

महानगरको सार्वजनिक निजी साझेदारी इकाइका प्रमुख डा. शिवराज अधिकारीले सोमवार सबै वडासँग प्रगति विवरण माग गरेका हुन् ।महानगरको ११ औं नगरसभाको निर्णयअनुसार प्रत्येक वडामा शौचालय निर्माणका लागि ठाउँ पहिचान गर्न वडालाई अधिकार प्रत्यायोजन गरिएको थियो ।

सार्वजनिक खरिद प्रक्रियाअनुसार आधुनिक शौचालय निर्माणको प्रगति विवरण पेस गर्न मेयर बालेन शाहले निर्देशन दिएका प्रमुख अधिकारीले सूचनामार्फत जानकारी दिएका छन् ।