काठमाडौ । नेकपा (एमाले)का महासचिव शंकर पोखरेलले अध्यक्ष केपी शर्मा ओलीविरुद्ध अनावश्यक भ्रम छर्ने काम भइरहेको दाबी गरेका छन् । अध्यक्ष ओलीको कम्बोडियाको टेलिकममा लगानी रहेको भन्दै भ्रम फैलाइएपछि महासचिव पोखरेलको यस्तो दाबी आएको हो ।
ओलीविरुद्ध राजावादीहरुले भ्रम फैलाएको उनले बताएका छन् । 'पहिले माओवादीहरू जाउलाखेलको टेलिकमको नयाँ भवनको फोटो राखेर केपी ओलीको घर भन्दै जनतामा भ्रम छर्ने गर्दथे । अहिले राजावादीहरू कम्बोडियाको टेलिकममा केपी ओलीको लगानी भनेर भ्रम छर्ने खेतीमा लागेको देखिन्छ,' उनले फेसबुकमा लेखेका छन् ।
वैचारिक र राजनीतिक रूपमा स्खलित भएकाहरूको हतियार नै भ्रम सिर्जना गर्नु रहेको उनले बताएका छन् । 'वैचारिक र राजनीतिक रूपमा स्खलित भएकाहरूको हतियार नै भ्रम सिर्जना गर्नु हो,' उनले भनेका छन्, 'नेपालमा सुशासन र विकासका प्रश्नमा सबैभन्दा योग्य देखिएको व्यक्तिको प्रहार राष्ट्र र जनताको भविष्य माथिको प्रहार हो । भ्रममा नपरौं, यस्ताखाले षड्यन्त्रविरुद्ध गम्भीर बनौं।'
मेडिकल व्यवसायी दुर्गा प्रसाइँले ओलीलेको कम्बोडियाको टेलिकममा लगानी रहेको सार्वजनिक अभिव्यक्ति दिएका थिए । त्यसैलाई लिएर सामाजिक सञ्जालमा चर्चा भइरहेको छ ।
प्रतिक्रिया दिनुहोस
सफल खबर संवाददाता
बुधबार, ०८ कार्तिक २०८०, ०९ : ३०
लेखकबाट थप
सम्बन्धित समाचारहरु
अब मिसन २०८४ सफल पार्छौं : शंकर पोखरेल
गठबन्धन सरकारका कारण देश बर्बादीतिर धकेलियो : शंकर पोखरेल
वर्तमान सरकारसँग राष्ट्रिय हितको नेतृत्व गर्ने सामर्थ्य छैन : शंकर पोखरेल
विकास निर्माणका काममा सरकार असफल भयाे : शंकर पोखरेल
सरकारकै कारण सामाजिक अराजकता बढ्यो : शंकर पोखरेल
दलहरुले लोकतन्त्रको कमजोरी सच्याउने सामथ्र्य निर्माण गर्नुपर्छ : शंकर पोखरेल