समृद्ध र समुन्नत नेपालको चाहनालाई सार्थक बनाउनुपर्छ : शशांक कोइराला

काठमाडौं। नेपाली कांग्रेसका पूर्व महामन्त्री डा. शशांक कोइरालाले समृद्ध र समुन्नत नेपालको चाहनालाई सार्थक बनाउनुपर्ने बताएका छन् ।बडादशैंको अवसरमा शुभकामना सन्देश दिँदै कोइरालाले आपसी एकता र सहिष्णुता कायम गर्दै समुन्नत नेपाल सार्थक बनाउनुपर्ने नेपालीकाे चाहनालाई पूरा गर्नुपर्ने बताएका हुन् ।

‘नागरिकको अपेक्षा अनुसार तराई–पहाड–हिमाल, खुशी, सुखी नेपाली समृद्ध र समुन्नत नेपाललाई सार्थक बनाउनुपर्छ’ शुभकामना सन्देशमा कोइरालाले भनेका छन्, ‘यी महान् पर्वहरूले आशीर्वाद दिने विश्वास लिँदै सबै नेपालीहरूमा सुख शान्ति र समृद्धिको कामना गर्दछु ।’

नागरिकका अपेक्षालाई पूरा गर्न सक्दामात्रै न्याय हुने उनको भनाइ छ ।