काठमाडौँ । बागमती प्रदेशसभा बैठक निर्धारित समयभन्दा २ घण्टा ढिलो गरी सुरु भएको छ । आइतबार बिहान ११:३० बजेका लागि बोलाइएको प्रदेशसभा बैठक दिउँसो १:३० बजे मात्र सुरु भएको हो ।सत्तारुढ दल र प्रतिपक्ष दलहरूको संसदीय समितिको बैठकका कारण प्रदेशसभा बैठक प्रभावित भएको हो ।
आइतबार संसद्मा २ वटा बैठकहरू सञ्चालन हुने प्रदेशसभा सचिवालय हेटौँडाले जनाएको छ । प्रदेशसभाको पहिलो बैठकमा शून्य समय रहने छ भने सोही बैठकमा २ जना मन्त्रीहरूले आफ्नो धारणा राख्ने छन् ।
उक्त बैठकमा प्रदेशका आर्थिक मामिला तथा योजना मन्त्री बहादुर सिं लामा र खानेपानी ऊर्जा तथा सिँचाइ मन्त्री तीर्थबहादुर लामाले धारणा राख्ने छन् ।
प्रदेशसभाको दोस्रो बैठकमा प्रदेश कामकाजको भाषा सम्बन्धी व्यवस्था गर्न बनेको विधेयक पेस गर्ने र सैद्धान्तिक छलफल गर्ने कार्यसूची रहेको छ ।प्रदेशसभा बैठक अघि बसेको प्रमुख प्रतिपक्ष दल नेकपा एमाले बागमती प्रदेश संसदीय समितिको बैठकले सदनमा प्रस्तुतिका विषयमा छलफल गरेको थियो ।
उक्त दलले संसद्मा मूल्यवृद्धि, सरकारका काम कारबाही, संसदीय समितिको भूमिका र समसामयिक विषयमा बोल्ने निर्णय गरेको छ ।
प्रतिक्रिया दिनुहोस
सफल खबर संवाददाता
आइतबार, १४ असोज २०८०, १३ : ३९
लेखकबाट थप
सम्बन्धित समाचारहरु
बागमती प्रदेश : प्रदेश मामिला समितिको सभापतिमा लामा चयन
बागमतीमा विषयगत समितिको सभापति चयन गरिँदै
रमा आले मगरलाई खेलकुद मन्त्रालयको जिम्मेवारी
बागमती प्रदेश सभाको बजेट अधिवेशन ३१ गते आह्वान गर्न सिफारिस
बागमतीमा आजदेखि तामाङ र नेपाल भाषा पनि सरकारी कामकाजको भाषा
बागमती प्रदेशमा भोलि सार्वजनिक बिदा