काठमाडौ । नेपाली कांग्रेसका महामन्त्री तथा सङ्घीय सांसद विश्वप्रकाश शर्माले कांग्रेस नयाँ ढङ्गले अगाडि बढ्ने क्रममा रहेको बताएका छन्।
जिल्ला प्रशिक्षण शाखा नेपाली कांग्रेस सिन्धुलीले बुधबार सिन्धुलीमाडीमा आयोजना गरेको ‘बिपीको प्रजातान्त्रिक समाजवाद : अभ्यास, चुनौती र सम्भावनाहरू’ विषयक अभिमुखीकरण कार्यक्रममा उहाँले कांग्रेस रूपान्तरित हुँदै गएको बताएका हुन्।
‘कांग्रेस सङ्लिने बेला हो, तङ्ग्रिने बेला पनि हो। कांग्रेस नवीन ढङ्गले अगाडि बढ्ने क्रममा छ । रूपान्तरित हुँदैछ । अब बलियो भएर देशको नेतृत्व कांग्रेसले गर्छ,’ उनले भने।
देश रूपान्तरणका लागि कांग्रेसका १५ वर्षे योजना तथा लक्ष्यका बारेमा प्रष्ट्याउँदै उनले सबै नेपालीले आत्मसम्मानका साथ बाँच्न पाउने देश निर्माणमा कांग्रेस जुटेको सुनाए।
उनले भने, ‘अबको १५ वर्षमा हामी यस्तो देश बनाउन चाहन्छौँ, जहाँ कसैले पनि विभेदको सिकार हुनु नपरोस्, सबैले आत्मसम्मानका साथ बाँच्न सकुन्।’
प्रतिक्रिया दिनुहोस
सफल खबर संवाददाता
विहीबार, २८ भदौ २०८०, ०९ : १४
लेखकबाट थप
सम्बन्धित समाचारहरु
काँग्रेसलाई कसैले दबाउन खोजे आफैँ समाप्त हुन्छ : विश्वप्रकाश शर्मा
उपचुनावमा काँग्रेस पहिलो पार्टीको रूपमा प्रकट हुने विश्वप्रकाशको दाबी
उपनिर्वाचनको कमाण्ड विश्वप्रकाशले सम्हाल्ने
दुई–चार मान्छे सहकारी ठगीमा जेल पर्ने भए भनेर रुवाबासी नगरौं : विश्वप्रकाश शर्मा
धनराज गुरुङमाथि सीआईबीले छानविन सुरु गरिसक्यो : विश्वप्रकाश शर्मा
देउवा अब प्रधानमन्त्री बन्नु हुँदैन : विश्वप्रकाश शर्मा