बेलायतको नयाँ प्रधानमन्त्री अक्टोबर २८ सम्ममा छनोट हुने

लन्डन । बेलायती प्रधानमन्त्री लिज ट्रसलाई कन्जरभेटिभ पार्टीको नेताको रूपमा प्रतिस्थापन गर्ने निर्वाचन अक्टोबर २८ सम्ममा हुने बताइएको छ । 

"अक्टोबर २८ गते शुक्रबारसम्ममा मतपत्र सञ्चालन तयारी र नेतृत्वको निर्वाचन सम्पन्न हुनेछ। त्यसैले हामीले ३१ अक्टोबरमा हुने वित्तीय विवरण अघि नै नयाँ नेता बनाउनुपर्छ," कन्जरभेटिभ पार्टीको १९२२ कमिटिका अध्यक्ष ग्राहम ब्राडीले  बताएका छन् ।

प्रधानमन्त्री बनेको ४४ दिनपछि लिज ट्रसले विहिबार राजीनामा गरेपछि कन्जरभेटिभ पार्टीले नयाँ नेता चयन गर्ने भएको हो । बेलायतको नयाँ प्रधानमन्त्रीमा पुर्व अर्थमन्त्री ऋषि सुनक सबैभन्दा अगाडी रहेको बताइएको छ । सुनक बाहेक कन्जरभेटिभ पार्टीका सांसदहरुले बोरिस जोनसनलाई फेरी ल्याउनुपर्ने समेत बताउन थालेका छन् ।