बेलायतमा रहेका कोइरालासँग तत्कालीन अनमिन प्रमुख मार्टीनको भेट

काठमाडौँ । बेलायत भ्रमणमा रहेका नेपाली कांग्रेसका नेता डा‍. शेखर कोइरालाले तत्कालीन अनमिनका नेपाल प्रमुख ईयान मार्टीनसँग लण्डनमा भेट गरेका छन् । मार्टीनले नेपालको शान्ति प्रक्रियामा महत्त्वपूर्ण भूमिका खेलेका थिए । 

कोइरालाको सचिवालयले दिएको जानकारी अनुसार भेटघाटका क्रममा मार्टीनले अहिले पनि नेपालको शान्ति प्रक्रिया अझै नटुङ्गिएकोले जतिसक्दो छिटो यसलाई टुङ्गयाउन सुझाव दिएका छन् ।

मार्टीनले शान्ति प्रक्रिया जस्तो विषयलाई लामो समयसम्म राख्न नहुने तथा तत्कालीन समयमा विद्रोहमा रहेको दल समेत निर्वाचन प्रक्रियामा प्रवेश गरिसकेको र अहिले नेपालमा कुनै पनि हिंसा नरहेकोले संक्रमणकालीन न्यायलाई टुङ्गयाउनु पर्ने मार्टीनले जोड दिए ।