राष्ट्रिय योजना आयोगका पूर्वउपाध्यक्ष स्वर्णिम वाग्लेले चितवनबाट चुनाव लड्ने

काठमाडौं । राष्ट्रिय योजना आयोगका पूर्वउपाध्यक्ष स्वर्णिम वाग्लेले चितवनबाट चुनाव लड्ने आकांक्षा देखाएका छन् । उनले चितवन क्षेत्र नम्बर १ बाट संघीय निर्वाचन लड्ने आकांक्षा देखाएका हुन् । 

सो क्षेत्रबाट उम्मेदवार बन्न इच्छुकसँग नेपाली कांग्रेसले आवेदन माग गरेअनुसार उनीसहितका नेताहरुले निवेदन दिएका हुन् । जसअनुसार राष्ट्रिय योजना आयोगका उपाध्यक्ष विश्वनाथ पौडेलले पनि आवेदन दिएका छन् । 

यस्तै राज्यमन्त्री उमेश श्रेष्ठ,  त्रिभुवन विश्वविद्यालयका पूर्वउपकुलपति तीर्थराज खनियाँ, नेता राजेन्द्रप्रसाद बुर्लाकोटीलगायतले पनि आवेदन दिएको क्षेत्र नम्बर १ का सचिव दीपक पौडेलले बताए । 
उनका अनुसार अब यो नामावली माथिल्लो तहमा सिफारिस गरेर पठाइनेछ ।