चितवन । मह बेचेरै वार्षिक १५ लाख रुपैयाँसम्म आम्दानि गर्दै आएका खैरहनी नगरपालिका ४ चैनपुरका सुनिल बस्नेत यस पटक मह बिक्री नभएर चिन्तित छन् । डाबर नेपाल र पतञ्जलीलाई मह बेच्ने गरेका उनले यस पटक मह नबिकेपछि ठुलो क्षती भोग्नु परेको बताए । महको प्रतिकिलो ७०० बजार मुल्य रहेको भएपनि मह भने नबिकेको किसान बताउँछन् ।
यहाँ उत्पादित महको मुख्य बजार काठमाण्डौँ नै हो । नेपाल मौरीपालक महासंघका निर्वतमान अध्यक्ष एवं मौरी जोन सञ्चालक समितिका संयोजक रामप्रसाद पौडेलले चितवनमा ८० देखी १०० टन मह संचित रहेको बताए । नक्कली महको बिगबिगिका कारण नेपालमा उत्पादित महको बिक्री हुन छाडेको हो । ‘भारत र चाइनाबाट मह भित्रिन थालेपछि नेपाली महले बजार नपाएको उनले दुखेसो गरे । काठमाडौंमा यसअघि चिनी प्रयोग गरेको मह समातियो त्यसको असर नेपालको गुणस्तरिय महमा परेको उनले बताए ।
तोरी, चिउरी, फापर, मसला, जामुन, सिसौँ चिलाउने, कटुश, मियल, पैयुँ र रुदिलो मह उत्पादनका स्रोत हुन् । चितवनमा महको उत्पादन बढाउँन प्रधानमन्त्री कृषि आधुनिकिकरण परियोजनाले मौरी जोन सञ्चालन गरेको छ । जोन अन्त्रगत ७ हजार घार रहेका छन् ।
चितवनमा २६८ टन उत्पादन हुने गरेको सरकारी तथ्याङ्क छ । किसानले उत्पादन गरेको महको गुणस्तरियताको बाण्ड्रिङ गर्नुपर्ने प्रधानमन्त्री कृषि आधुनिकीकरण परियोजना, परियोजना कार्यान्वयन इकाई चितवनका प्रमुख धनबहादुर थापा ले बताए । कृषकहरुले लेबलिङ नगरेका कारणले अहिले कहाँको मह हो भन्ने विषयमा उपभोत्ताहरुमा अन्योलत छ । क्यूआर कोर्ड सहितको बाण्ड्रिङमा सहयोग गर्ने गरी आफुहरुले काम गरेको थापा बताउँछन् । यसले गुणस्तरिय महको बिक्री हुन सहज हुने अपेक्षा गरिएको छ । महको खपत बढाउँनका लागि मेला महोत्सव लगायतका स्थानमा प्रर्वद्धन समेत परियोजनाले गरेको छ ।
प्रतिक्रिया दिनुहोस
प्रकाश सिग्देल
शुक्रबार, ३१ असार २०७९, १६ : ०२
लेखकबाट थप
सम्बन्धित समाचारहरु
मह बेचेर भोजपुरको नागीमा एक करोड बढी भित्रियो
काठमाडौंमा आजदेखि मह मेला
मह खाने प्रतियोगिता
रुकुम पूर्वमा महको उत्पादन दोब्बरले बढ्यो
महको पकेट क्षेत्र बन्दै पोखराको अर्मला