काठमाडौं । नेपालको पर्यटन क्षेत्रको इतिहासमा पहिलो पटक जंगली च्याउ पर्यटनको सुरुवात भएको छ । आइतबार बिहान काठमाडौंबाट पर्यटक र च्याउविज्ञको टोलीले सगरमाथा आधार शिविरसम्मको यात्रा तय गरेको छ ।
नेपाल हिमाली, पहाड र तराई प्राकृतिक सम्पदा भरिएको धनी मुलुक हो । त्यसमाथि नेपालको जंगलमा च्याउ प्रशस्त पाईन्छ । नेपालको च्याउको अनुसन्धान भएको करिब २ सय वर्षको इतिहास भएता पनि च्याउ पर्यटकका लागि यो भर्जिन ल्यान्ड नै हो ।
हालसम्मको तथ्याकं अनुसार नेपालमा १ सय ८ प्रकार र १२ सय ९१ प्रजातीको च्याउ पाईन्छ । च्याउ खान र औषधिमा मात्र उपयोगी नभइ अब नेपालमा पहिलो पटक जंगली च्याउ पर्यटनको सुरुवात समेत भएको छ ।
जसमा पर्यटकहरुले च्याउको पारिस्थितिक प्रणालीमा खलल नपुयाई र वैज्ञानिक अनुसन्धानको रुपमा प्रयोग नगरी विशुद्ध रुपमा पर्यटकिय हिसाबले जंगली च्याउको अवलोकन भ्रमण गर्न पाउने भएका छन् । इन्टनेशनल माउण्टेन टे«किङले यो नौलो पर्यटनको सुरुवात गरेको हो ।
आइतबार नेपाल, अमेरिका र मेक्सिकोका पर्यटक र च्याउ विषेशज्ञहरु काठमाडौंबाट सल्लेरीहुँदै सगरमाथा आधार शिविरसम्मको पदयात्रामा गएका थिए । यात्रा गर्नु अघि जंगली च्याउ विशेषज्ञ डा शिव देवकोटाले जंगली च्याउ पर्यटन नेपालबाट सुरु हुनु नयाँ अवसरको रुपमा रहेको बताए।
आफ्ना लागि पनि यो नयाँ अनुभव र अवसर भएको भन्दै अमेरिकी पर्यटक जुलियाना माइरेले यसबाट च्याउको दुनियामा केही नयाँ बुझने अवसर हुने बताए ।
हिमालयन क्लाइमेट एण्ड साइन्स इष्टिच्युटका कार्यकारी निर्देशक रिचर्ड एफ सिल्बरले खुम्बु क्षेत्र नयाँ च्याउको संसार हुने भन्दै यसको अवलोकन रोमाञ्चित हुन सक्ने विश्वास ब्यक्त गरे ।
कोरोना महामारीले थलिएको पर्यटन क्षेत्र जुर्मुराउन लागेको समयमा च्याउले स्थानीय पर्यटनमा टेवा पुग्ने समेत देखिन्छ । साउथन इडाहो माईकोलोजी एसोशिएसनको प्रवन्ध निर्देशक मिकी माइरे यो पर्यटन यात्रामा च्याउको बारेमा धेरै सिक्ने र बुझन पााउने मौका भएको बताउँछन । नेपालको च्याउको संस्कृति र प्रयोगका बारेमा पनि यो पर्यटन महत्वपूर्ण हुने माईकोलोजी एशोसिएसनका सदस्य ग्लोरिया माईरे बताउँछन ।
नयाँ अभ्यासको रुपमा रहेको च्याउ पर्यटनले नेपालको पर्यटकिय क्षेत्रमा नयाँ सम्भाव्यताको ढोका खोलेको पदयात्रा टिम लिडर सोनाम ज्याग्बु शेर्पा बताउछन ।
जंगली च्याउ पर्यटन नेपालमा नयाँ अवसरको रुपमा सुरुवात गरिएको छ । नयाँ सुरुवातको रुपमा रहेको यो क्षेत्रमा अनुसन्धान गरि चुनौति र अवसरहरु ठम्याउन सके नेपालको स्थानीय पर्यटन व्यवसायमा टेवा पुग्ने देखिन्छ । यसलाई नेपालको मौलिक ब्राण्डको रुपमा विकास गर्न पनि सकिन्छ ।
प्रतिक्रिया दिनुहोस
सफल खबर संवाददाता
आइतबार, ०५ असार २०७९, १९ : ४०
लेखकबाट थप
सम्बन्धित समाचारहरु
च्याउ खाएर बिरामी भएकामध्ये एक जनाको मृत्यु
जंगली च्याउ खाँदा १० जना बिरामी
च्याउ बेचेर वार्षिक पच्चीस लाख आम्दानी गर्दै मौरडाका खेमराज
जंगली च्याउको तरकारी खाँदा एकैघरका ५ जना बिरामी
च्याउमा आत्मनिर्भर बनाउन व्यावसायिक उत्पादन सुरु
जंगली च्याउ खाँदा परिवारका एकजनाको मृत्यु, अन्य ४ को अवस्था गम्भीर