एमाले नेता सूर्य थापाको टिप्पणी : घनश्याम भुसालको तर्क एमालेविरोधी तत्वलाई खुशी पार्ने कोटीको छ’

काठमाडौं । नेकपा एमालेका नेता सूर्य थापाले पार्टी स्थायी कमिटि सदस्य घनश्याम भुसालले मर्यादाविपरित अभिव्यक्तिहरू सार्वजनिक गरिरहेको टिप्पणी गरेका छन् । 

बिहीवार फेसबूक मार्फत विचार राख्दै उनले भुसालले एमाले स्थायी कमिटी सदस्यको मर्यादाविपरित अभिव्यक्ति सार्वजनिक गरिरहेको बताएका हुन् । 

उनले भुसालले मर्यादाविपरित सार्वजनिक गरिरहेको अभिव्यक्तीहरू एमालेविरोधी तत्वहरूलाई खुशी पार्ने कोटीको रहेको टिप्पणी गरेका छन् ।  उनले भनेका छन्,‘यो उहाँको आत्मनिन्दाको विनाशकारी रवैया र ‘सत्यनाश’को तरिका हो ।’

अगाडी थपेका छन्,‘एकताको राप अलाप्दै र आफ्नो नेतृत्व विरुद्ध हवाई फायरिंग गर्दै साताव्यापी होईन्, एक वर्ष समय बिताइ सक्नुभयो, बाँकी जिवनव्यापी अभियानै संचालन गरेर चलाउन सक्नुहुन्छ ।’