भरतपुर महानगर अपडेटः रेनु दाहालले लिइन् ३ हजार २५८ मतको अग्रता

चितवन । भरतपुर महानगरपालिकामा मेयर पदकी उम्मेदवार माओवादी केन्द्रकी रेनु दाहालले ४२ हजार ७५०  गणना हुँदा अग्रता थप बढाएकी छन् ।

उनले १६ हजार २३५ मत पाउँदा एमालेका उम्मेदवार विजय सुवेदी १२ हजार ९७७ मतका साथ पछिपछि रहेका छन् । यी दुई उम्मेदवारबीचको मतान्तर ३ हजार२५८ रहेको छ । 

यस्तै स्वतन्त्र उम्मेदवार जगन्नाथ पौडेलले ६ हजार ६८७ मत पाएका छन् । उपमेयरमा चित्रसेन अधिकारीले १८ हजार ७७६  मत पाउँदा राप्रपाकी हिमला गुरुङले १० हजार ४१९ मत पाएकी छन् । अहिले वडा नम्बर ९ को गणना भइरहेको छ।