बैठकमा भीम रावल नआएपछि उनकै निवास पुगे माधव नेपाल

काठमाडौं । माधव नेपाल समूहले बोलाएको स्थायी कमिटी बैठकमा नेता भीम रावल उपस्थित भएनन् । रावल बैठकमा उपस्थित नभएपछि माधव नेपाल आफैँ रावल निवास टोखा पुगेका छन् । 

सांसद पदबाट राजीनामा दिएर एमालेका दुवै पक्षसँग असहमति राखेका रावल माधव नेपालका मुख्य सहयोगी थिए । तर, नेपालले आफ्नो आग्रह नमानी शेरबहादुर देउवालाई विश्वासको मत दिएपछि रावलले असन्तुष्ट भएर राजीनामा दिएका थिए ।

उनको राजीनामा स्वीकृत भइसकेको छैन । सुदूरपश्चिम प्रदेशका १४ सांसदले रावललाई राजीनामा फिर्ता गर्न दबाब दिइरहेका छन् ।