काठमाडौं । जनता समाजवादी पार्टी नेपालका संघीय परिषद अध्यक्ष बाबुराम भट्टराईले निर्वाचन आयोगको निर्णय प्रति प्रश्न उठाउदैं वादी र प्रतिवादी मिलेर बस्नु भन्ने फैसला गरेको भन्दै असन्तुष्टि जनाएका छन्। जसपाका अध्यक्षद्वय महन्थ ठाकुर र उपेन्द्र यादवले एक(अर्कालाई गरेको कारवाहीलाई आयोगले आइतबार मान्यता दिन नसकिने बताएको थियो।
आयोगको भूमिकाप्रति भट्टराईले सोमबार सामाजिक संजालमा निर्णय प्रति प्रतिक्रिया व्यक्त गर्दैै भनेका छन्–‘खड्गप्रसाद एण्ड कम्पनीको नयाँ विधिशास्त्रः कसैले चोर्यो भने चोरी गर्नेको विरूद्ध मुद्दा हाल्नु। चोरलाई पनि मैले चोरेको हैन भनेर उल्टै मुद्दा हाल्ने (वादी) ले चोरेको हो भनेर प्रतिवाद गर्न लगाउनु। मुद्दा हेर्ने कार्यालयले दुवै वादी र प्रतिवादी चोर हुन् मिलेर बस्नु भन्ने फैसला गर्नु१ वाह।’
भट्टराईले यो निर्णयमा प्रधानमन्त्री केपी शर्मा ओलीलाई पनि जोडेर हेरेका छन्। यहाँ भट्टराईले मुद्दा हेर्ने कार्यालय भनेर निर्वाचन आयोगलाई संकेत गरेका हुन् जहाँ जसपाका अध्यक्षद्वय ठाकुर र यादवले एकअर्कालाई कारवाही गरेको पत्र पेश गरेका थिए। जसपामा ठाकुर र नेता राजेन्द्र महतो ओली सरकारमा गएपछि बिबाद छ। भट्टराई र यादव पक्ष भने ओलीको विकल्पमा नेपाली कांग्रेसका सभापति शेरबहादुर देउवालाई प्रधानमन्त्री बनाउन लागिपरेका छन्।
प्रतिक्रिया दिनुहोस
सफल खबर संवाददाता
सोमबार, ३१ जेठ २०७८, ०८ : ३०
लेखकबाट थप
सम्बन्धित समाचारहरु
राजनीतिमा पढेलेखेका मान्छे आए मात्रै देश विकास हुन्छ: बाबुराम भट्टराई
बाबुरामको अर्को व्यंग्य– ‘नयाँ बादशाहको झन् नयाँ लुगा’
'कुर्सीको दिनगन्तीमा रमाउनेहरूबाट के आशा गर्नु ?' : बाबुराम भट्टराई
कृषिक्रान्ति नै देशको समृ्द्धिको पहिलो आधार : बाबुराम भट्टराई
मुखमात्रै बजारेर समस्या समाधान हुँदैन, समष्टिगत ढंगले गर्नुपर्छ : बाबुराम भट्टराई
भारतसँगको खुला सिमानाका कारण नेपाल सधैँ चेपुवामा पर्यो : बाबुराम भट्टराई