दोहोरो अंकले घट्यो नेप्से , कारोवार रकम ८ अर्ब

काठमाडौं । नेप्से परिसूचक मंगलबार ११.६८ अंकले घटेको छ । बजार खुलेदेखि नै फ्लकचुएट भइरहेको नेप्सेमा आज कारोबार रकम पनि न्यून भएको छ ।

आज १ करोड ९७ लाख ८३ हजार ३५४ कित्ताको किनबेचमा ८ अर्ब ५९ करोड ८१ लाख ६० हजार ११७ रुपैयाँ बराबरको कारोबार भएको छ ।

आज २१६ वटा कम्पनीको शेयर किनबेचमा सबैभन्दा धेरै नेपाल पुनर्बीमा कम्पनीको शेयर कारोबार भएको छ । पुनर्बीमा कम्पनीको शेयर ५७ करोड रूपैयाँ बराबरको भएको छ । यसैगरी, लुम्बिनी विकास बैंकको शेयर कारोबार ३० करोड रुपैयाँ बराबरको भएको छ ।

आज कालिका पावर कम्पनीका शेयर धनीले सबैभन्दा धेरै १० प्रतिशतले कमाएका छन् । यसैगरी लुम्बिनी बिकास बैंकका शेयर धनीले पनि ८ प्रतिशतभन्दा माथिले कमाइ गर्न सफल भएका छन् ।

आज नेप्से परिसूचकको उप–समूहअन्तर्गत विकास बैङ्क, फाइनान्स र अन्य समूह बाहेक सबै उप–समूह रातो भएका छन् । आज नेप्से परिसूचक २७७१.१५ विन्दुमा रोकिएको छ ।