नेप्से परिसूचक १३.०९ अंकले घट्यो , कारोबार रकम हालसम्मकै उच्च

काठमाडौं । नेप्से परिसूचक बुधबार १३.०९ अंकले घटेको छ ।आज बजार खुलेदेखि बढेको नेप्सेले एक घण्टाको व्यापारमा अहिलेसम्मकै उच्च विन्दु २८२१ विन्दु पार गरेको थियो ।

त्यसपछि क्रमश घटेर २७९९ विन्दुमा झर्न पुग्यो । पुनः नेप्से बढ्दै दिउसो १२ बजेर १५ मिनेट जाँदा २८२० विन्दुलाई पार गर्‍यो । त्यसपछि क्रमशः विस्तारै घट्दै आएको नेप्से परिसूचक २७७३.५२ विन्दुमा रोकिएको छ । आज बजार घटेपनि नेप्से कारोबार रकम भने अहिलेसम्मकै उच्चमा पुगेको छ ।

आज २ करोड ५१ लाख २१ हजार ५५४ कित्ताको कनिबेचमा ११ अर्ब ९५ करोड ८० लाख ९७ हजार ४११ रुपैयाँ बराबरको कारोबार भएको छ । मंगलबारको अहिलेसम्मकै उच्चतम कारोबार रेकर्डलाई पुनः आजको कारोबार रकमले तोडेको छ ।