प्रधानमन्त्री ओलीले बोलाएका संसदिय दलको बैठकमा माधव नेपाल सहभागी नहुने

काठमाडौँ । प्रधानमन्त्री एवं नेकपा एमालेका अध्यक्ष केपी शर्मा ओलीले बोलाएको एमाले संसदीय दलको बैठकमा वरिष्ठ नेता माधवकुमार नेपाल सहभागी नहुने भएका छन् । तर नेपाल समूहमा रहेका अन्य सांसदहरु भने बैठकमा सहभागी हुने छन् ।

पार्टीको बैठक प्रधानमन्त्रीको निवास बालुवाटारमा राखिएको भन्दै नजाने उनले जनाएका छन् । अन्य स्थानमा बैठक राखिए आफू सहभागी हुने उनको भनाई रहेको छ । 

ओलीले दिउँसो तीन बजे संसदीय दलको बैठक बोलाएका छन् । बालुवाटारमा बस्ने बैठकमा दलको गतिविधिबारे छलफल हुने बताइएको छ । पार्टी गतिविधी विपरित कार्यहरु गरेको भन्दै नेपाल सहित उनका समुहका अन्य नेतालाई स्पष्टिकरण समेत सोधिएको थियो ।