धनगढीमा नेकपा एमालेका केपी ओली र माधव नेपाल पक्षबीच झडप

कैलाली । धनगढीमा नेकपा एमालेका केपी ओली र माधव नेपाल पक्षका कार्यकर्ताबीच झडप भएको छ ।  प्रदेश कार्यलयमा बोर्ड राख्ने र हटाउने विषयमा झडप भएको हो । यतिबेला त्यहाँको अवस्था तनावपूर्ण भएको छ । 

 नेपाल पक्षका कार्यकर्ताले कार्यलय प्रवेश गरी भीम रावल प्रदेश इन्चार्ज र भानुभक्त जोशी अध्यक्ष भएको नेम प्लेट सहित नयाँ बोर्ड राखेपछि झडपको अवस्था सिर्जना भएको हो ।  ओली पक्षका प्रदेश अध्यक्ष कर्ण थापाको नेतृत्वमा गएको जुलुसले  बोर्ड च्यातेर नयाँ बोर्ड राखेको थियो । 

रावल पक्षका कार्यकर्ता आएर ओली पक्षले राखेको बोर्ड र नेम प्लेट हटाएपछि त्यहाँको अवस्था तनावग्रस्त बनेको थियो ।  त्यझडपलगतै प्रहरीले हस्तक्षेप गरेर स्थितिलाई नियन्त्रणमा लिएको छ । अहिले प्रदेश कार्यलय प्रहरीको कब्जामा छ । घटनामा को कति घाइते भए विवरण आउन बाँकी छ ।