पाँचथर । प्रधानमन्त्री केपि शर्मा ओली नेकपाको अध्यक्ष नरहेको नेकपा प्रचण्ड–माधव समूहका अध्यक्ष माधवकुमार नेपालले बताएका छन् ।ताप्लेजुङमा आयोजित भेलामा उनले नेपाल कम्युनिस्ट पार्टी नेकपा ले ओलीलाई अध्यक्षबाट हटाइसकेको बताए ।
निर्वाचन आयोगको निर्णयपछि ओलीले अझै अध्यक्ष छु भने पनि पार्टीले हटाइसकेको नेपालले बताए । ‘४४१ मध्ये ३०० जना बसेर अध्यक्षबाट निकाली सकिएको छ । अब ओली नेपाल कम्युनिस्ट पार्टीको अध्यक्ष होइनन्’, नेपालले भने । ओलीलाई नेकपाको नाम समेत नलिन चेतावनी दिँदै नेपालले भने, ‘यदि, अध्यक्ष नै बन्ने मन छ भने ओली गुटको अध्यक्ष लेखे हुन्छ । गुटको अध्यक्ष बन्नुहोस्, घरको अध्यक्ष बन्नुहोस् ।’
निर्वाचन आयोगले ४४१ सदस्यीय कमिटीलाई मान्यता दिएको र ७० प्रतिशतले ओलीलाई हटाइसकेकाले उनी अध्यक्ष नरहेको नेपालले बताए । नेकपासँगै सूर्य चिन्ह पाउने आशा मार्न पनि नेपालले आग्रह गरे । ‘सूर्य पाउन आशा नगर्दा हुन्छ । बयलबाडा लिएर गए हुन्छ’, उनले भने । केपी ओली निर्वाचनबाट आएको तानाशाही भएको आरोप लगाए । वामदेव गौतमले ओलीलाई सुर्धाछु भन्नु बालुवा पेलेर तेल निकाल्ने कुरा भएको नेपालले टिप्पणी गरे ।
जनताको बहुदलीय जनवाद ९जबज०सँग ओलीको साइनो सम्बन्ध नभएको उनले बताए । जबजका तीन विशेषता सुनाउँदै नेपालले भने, ‘उहाँको मुखबाट जनताको बहुदलीय जनवाद निस्कने कुरा पनि बेकारको कुरा हो ।’ जबज भनेको पार्टीको लोकतान्त्रिकरण, सामाजिक न्याय र प्रशासनको लोकतान्त्रिक भएको र ओलीसँग यी कुनै पनि आँचरण नभएकाले जबजसँग साइने नरहेको नेपालले बताए ।
प्रतिक्रिया दिनुहोस
सफल खबर संवाददाता
मंगलबार, १३ माघ २०७७, १६ : ११
लेखकबाट थप
सम्बन्धित समाचारहरु
विश्वविद्यालयहरुले समयसीमा भित्र रहेर शैक्षिक कार्यक्रमहरु तय गर्नुपर्छ : माधव नेपाल
सिंहदरबारमा प्रचण्ड र माधव नेपालबिच भेटवार्ता
नेकपा एसमा वैचारिक मतभेद छैन : माधव नेपाल
राजनीति बिग्रनुको प्रमुख कारण नै भ्रष्टीकरण : माधव नेपाल
माधव नेपालद्वारा चीन भ्रमण रद्द
सदनको अवरोध हटाउन ध्यानाकर्षण-पत्र बोकेर माधव नेपाल पुगे बालुवाटार