काठमाडौं । सभामुख अग्नि सापकोटाले प्रतिनिधिसभाले कार्यपालिकालाई कहिले असहयोग नगरेको दाबी गरेका छन् ।
प्रतिनिधिसभा भंग गरेर मध्यावधि घोषणा गरेका प्रधानमन्त्री केपी शर्मा ओलीले पछिल्लो समय संसदले आफूलाई सहयोग नगरेको दाबी गर्दै आएका छन् ।
सभामुख सापकोटाले भने त्यो आरोप अस्वीकार गरे । सोमबार अन्तरपार्टी महिला सञ्जालको ध्यानाकर्षण पत्र बुझ्दै सभामुखले वर्षे अधिवेशनले नेपालको नयाँ नक्साअनुसार निशान छाप परिर्वतन गर्न सर्वसम्मत रुपमा संविधान संशोधन गरेको स्मरण गरे । संसदमा अभुतपूर्व एकता देखिएको भन्दै उनले भने, ‘कुनै दिन पनि न त्यहाँ नारा लाग्यो, न वेल घेर्ने काम भयो ।’
‘सहयोग भएन, त्यहाँ अलिकति अराजकता भयो भन्ने जो कुरा आइरहेको छ त्यो सत्यमा आधारित छैन,’ उनले अघि भने, ‘चाहे नीति कार्यक्रम पास गर्ने कुरामा होस्, चाहे बजेट पास गर्ने कुरा होस् । हरेकमा प्रतिनिधि सभाले सहयोग नै गरेको छ, कार्यपालिकालाई कहिले पनि असहयोग गरेको छैन ।’
उनले प्रतिनिधिसभाको बैठक बोलाउनुपर्ने अन्तर पार्टी महिला सञ्जालको मागप्रति आफू गम्भीर रहेको पनि बताए ।
सञ्जालले जस्तै संविधानविद्, कानुनविद्, राजनीतिक पार्टीका नेताहरु सबैले संसद सुचारु हुनुपर्छ भन्ने आवाज उठाइरहेको भन्दै उनले अघि भने, ‘मैले परिस्थितिलाई धेरै गम्भीरतापूर्वक, जिम्मेवारीपूर्वक अध्ययन, विश्लेषण गरिरहेको छु ।’
प्रतिक्रिया दिनुहोस
सफल खबर संवाददाता
सोमबार, १२ माघ २०७७, १५ : ००
लेखकबाट थप
सम्बन्धित समाचारहरु
रक्षाबन्धन राष्ट्रिय एकता, सद्भाव र भाइचारा अभिवृद्धिको पर्व : सभामुख
विचाराधीन विधेयक टुंगो लगाउन तदारुकता देखाउन सभापतिहरूसँग सभामुखको आग्रह
संसद् भवन निर्माण गति सुस्त भएकोप्रति सभामुखको असन्तुष्टि
साउन ७ गते प्रधानमन्त्रीसँग सांसदहरूको प्रश्नोउत्तर
सभामुख र प्रमुख सचेतकहरूबिच सिंहदरबारमा छलफल
कमीकमजोरी सुधार्दै संसद्लाई देश र जनतामा केन्द्रित गर्नुपर्छ : सभामुख