रक्सी नदिएको झोंकमा गैडाकोटका एकै परिवारका ५ जनालाई आधा रातमा आक्रमण, डोरीले हात बाँधेर कुटपिट (भिडियो सहित)

नवलपरासी । रक्सी नदिएको न्युमा गैडाकोट १ लेटेटाडीको आइतीमाया गुरुङका परिवारलाई राति केही युवाहरुले डोरीले बाँधेर कुटेर गम्भीर घाईते बनाएका छन् ।

राति ११ बजे सुचना आएपछि   ईलाका प्रहरी कार्यालय गैडाकोटले परिवारका ५ जना सदस्यलाई उद्धार गरि अस्पताल लगेको जनाएको छ ।

५ जना सदस्य रहेको परिवारमा केही अपराधिक मनोबृति भएका मानिसहरु पुगेर रक्सी माग्दा नदिएको न्यु पारि परिवारका सबै सदस्यलाई डोरीले बाँधेर कुटपिट गरेको थियो ।

सुचनाका आधारमा त्यहा पुग्दा परिवारका सदस्यहरु डोरिले बाँधिएको घाईते अवस्थामा पल्टिरहेको भेटिएको ईलाका प्रहरी कार्यालय गैडाकोटका प्रमुख चन्द्र बहादुर थापाले बताए । घाईतेहरुलाई उद्धार गरि राति ११ बजे अस्पताल पठाएको उनले बताए ।

घाईतेहरु मध्ये एकजनाको गम्भीर रुपमा टाउको फुटेको छ भने अर्का एक व्यक्तिको पिठ्यू भरि निल डाम रहेको छ ।  चरित्र हिन, ज्याला मजदुरी गरि खाने मानिसहरुले रक्सीको न्युमा घटना घटाएको सामान्य अनुसन्धान बाट पत्ता लागेको र थप जानकारी अनुसन्धान पछि खुल्ने थापाले बताए ।  

घटनामा संलग्न तिन जनालाई पक्राउ गरिएको र  म्याद थप गरी अनुसन्धान अगाढी बढ्ने बढाईएको छ । घटनामा ५ जना जति संलग्न रहेको भन्ने खुल्न आएको प्रहरीले जनाएको छ । घाईतेको चितवन मेडिकल कलेजमा उपचार भईरहेको छ ।