दाङ । एक महिलालाई निर्घात कुटपिट गरिएको छ । घोराही उपमहानगरपालिका-१० की २६ वर्षीया शिला चौधरीलाई घोराही-११ चागुका गोपाल चौधरीका श्रीमती र केही स्थानीय महिलाले मरणासन्न हुनेगरी कुटपिट गरेका हुन् ।
शिलालाई घरभित्र र बाहिर बिजुलीको पोलमा बाँधेरसमेत कुटपिट गरिएको भिडियो सार्वजनिक भएको छ ।
प्रहरीका अनुसार पीडित शिलालाई गोपालले साँझ आफ्नो घरमा बोलाएका थिए । घरमा बोलाएका बेला उनको श्रीमतीसमेत विभिन्न व्यक्तिले पहिले घरभित्र कुटपिट गरेका थिए । त्यसपछि लछारपछार गर्दै बाहिर बिजुलीको पोलमा डोरीले बाधेरसमेत कुटपिट गरेको भिडियोमा देखिन्छ ।
कुटपिट गरेविरुद्ध प्रहरी कार्यालयमा घटना जाहेरीसमेत दर्ता गरिएको छ । अधिकारकर्मी खुमा खड्काले महिलालाई अत्यन्तै तल्लोस्तरमा दुर्व्यवहार गरिएकाले न्याय दिन प्रहरी कार्यालयमा पहल गरिएको बताइन् ।
घटनाको कारण भने खुल्न सकेको छैन । जिल्ला प्रहरी कार्यालय दाङका डीएसपी चक्रबहादुर शाहका अनुसार अनुसन्धानका लागि तीन जनालाई हिरासतमा राखिएको छ । 'अनुसन्धान भइरहेको छ । सबै कारण खुलेपछि हामी बताउँछौं, 'अनुसन्धानको लागि सोधपुछ गर्ने काम चलिरहेको छ ।'
प्रतिक्रिया दिनुहोस
सफल खबर संवाददाता
शुक्रबार, १५ चैत्र २०८१, १० : २७
लेखकबाट थप
सम्बन्धित समाचारहरु
कुटिए ड्युटीमा खटिएका दुई जना प्रहरीमाथि कुटपिट
जनकपुरमा मरणासन्न हुने गरी कुटिए व्यवसायी
वरिष्ठ अधिवक्तालाई कुटपिट गरेको आरोपमा एक महिला पक्राउ
चितवनमा युवकलाई निर्घात कुटपिट गर्ने असई निलम्बनमा
चितवनमा एक युवकमाथि प्रहरीबाटै निर्घात कुटपिट, छानबिन समिति गठन
दाङमा वडा सदस्यबाट कुटिए प्रधानाध्यापक