कोरोना अपडेट : थप ७ जनाको मृत्यु, १ हजार १६ जनामा संक्रमण पुष्टि, ८५ जना निको भए

काठमाडौं । नेपालमा थप ७ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृत्यु हुनेमा काभ्रे, नवलपरासी, मोरङ, धनुषा, बाँके र काँस्कीका एकएक जना पुरुष र तनहुँकी एक महिला रहेकी छिन् ।

यससँगै नेपालमा मृत्यु हुने कोरोना संक्रमितको संख्या ११४ पुगेको छ । यस्तै आज थप १०१६ जनामा कोरोना भाइरस संक्रमण पुष्टि भएको छ भने ८५ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या २८ हजार २५७ पुगेको छ । जसमध्ये १७ हजार ५८० जना निको भएर घर फर्किएका छन् ।