उपचारको क्रममा पोखरामा कोरोना संक्रमित तनहुँकी एक महिलाको निधन

पोखरा । पोखरामा उपचारको क्रममा कोरोना संक्रमण पुष्टि भएकी तनहुँकी एक महिलाको मृत्यु भएको छ । तनहुँ ब्यास–१ घर भएकी ५० वर्षीया महिलाको पोखराको कास्की सेवा अस्पतालमा उपचारको क्रममा निधन भएको हो ।

महिलामा सुगर, प्रेसर, मुटुको समस्या र निमोनियाको संक्रमण पनि रहेको अस्पतालले जनाएको छ । निमोनिया देखिएपछि ती महिला साउन ३२ मा उक्त अस्पतालमा भर्ना भएकी थिइन् । अस्पतालका निर्देशक डा. पदम खड्का मृतक महिलामा कोरोना देखिएपछि हाल अस्पतालको सेवा बन्द गरिएको छ । 

डा. खड्काले भने, ‘महिलालाई क्रिटिकल अवस्थामा ल्याइएको थियो, अस्ति स्बाब टेस्टका पठाइएको अवस्थामा हिजो राति मृत्यु भयो, बिहान कोरोना पोजेटिभ भएको जानकारी आएको छ ।’