नेपालमा एक प्रतिशत नागरिकको पिसिआरबाट कोरोना परीक्षण

काठमाडौँ । नेपालको कुल जनसंख्याको १ प्रतिशत व्यक्तिमा कोरोना परीक्षण भएको छ । कोरोनाभाइरसको पिसिआर विधिबाट परीक्षण भएको छ। तथ्यांक विभागका अनुसार अहिले नेपालको जनसंख्या ३ करोड ६ सय ३४  छ । जसमध्ये ३ लाख ११ हजार ८ सय २९ जनाको पिसिआर विधिबाट परीक्षण भएको छ। 

सरकारले यसअघि कुल जनसंख्याको २ प्रतिशतमा परीक्षण गर्ने जनाएको थियो। तीन लाख बढीको पिसिआर परीक्षण गर्दा संक्रमित हुनेको संख्या १७ हजार ५ सय २ छ। जसमा ४० जनाको मृत्यु भएको छ भने ११ हजार ६ सय ३७ जना निको भएका छन्।

पछिल्लो एक साताको संक्रमण दर हेर्दा पनि संक्रमण हुने भन्दा निको हुने बढी छ । अहिले देशभर २५ वटा प्रयोगशालाहरूबाट पिसिआर विधिबाट परीक्षण भइरहेको छ। यी प्रयोगशालाबाट अहिले दैनिक साढे चार हजार जनाको परीक्षण हुँदै आएको छ।