प्रधानमन्त्रीले मन्त्रीहरूलाई सोधे, ' तपाईंहरूको साइड कता ?'

काठमाडौं । प्रधानमन्त्री केपी शर्मा ओलीले नेपाल कम्युनिस्ट पार्टी (नेकपा) एक रहने सम्भावना निकै कम रहेको बताएका छन् । 

आज आफ्नो नेतृत्वको मन्त्रीपरिषद्मा रहेका मन्त्री तथा राज्यमन्त्रीहरुलाई बोलाएर पार्टी विवाद चरम अवस्थामा पुगेको छ, एक रहने सम्भावना निकै कम रहेकाले त्यसलाई बचाउन आफूले अथक प्रयास गरिरहेकोले त्यसमा सहयोग गर्न मन्त्रीहरुलाई उनले आग्रह गरे । यस्तो बेलामा आफूले मन्त्रीहरूलाई तपाई‌ंहरू कुन कित्तामा भनेर प्रश्न गर्नुपर्ने अवस्था आउन सक्ने चेतावनीसमेत दिएका छन् ।

‘अहिले ठूलो षड्यन्त्र भइरहेको छ । राष्ट्रपतिलाई महाअभियोग लगाउने र मलाई दुवै पदबाट हटाउने तयारी भएको छ । तपाईहरु कसको पक्षमा हुने ? कि प्रधानमन्त्रीको विपक्षमा जाने ? आज छलफल गर्ने समय भएन, तपाईहरुलाई यही सूचना भयो । आफ्नो पोजिसन छिट्टै क्लियर गर्नुस्,’ प्रधानमन्त्रीको भनाई उद्धृत गर्दै एक मन्त्रीले भने ।