सिन्धुपाल्चोककी सुत्केरी महिलाको मृत्यु कोरोनाबाटै

काठमाडौं । काभ्रेको धुलिखेल अस्पतालमा मृत्यु भएकी ९ दिनकी सुत्केरी महिलाको कोरोनाकै कारण मृत्यु भएको बागमती प्रदेश सरकारले जनाएको छ ।  बागमती प्रदेश सरकारका सामाजिक विकासमन्त्री युवराज दुलालले ती महिलाको कोरोनाकै कारण मृत्यु भएको बताए । 

‘धुलिखेल अस्पतालमा मृत्यु भएको बाह्रविसे नगरपालिका–९ राम्चेको सुत्केरी महिलामा कोरोना पोजेटिभ देखिएकोमा संक्रमित महिलाको मृत्यु पनि कोरोनाबाट भएको चिकित्सकीय अनुसन्धानको निष्कर्ष आएको छ । यो नतिजाप्रति दुखित छु’, दुलालले भने ।  

उनले सम्बन्धित स्थानहरु जिल्ला कोरोना क्राइसिस मेनेजमेन्टको तर्फबाट शिल गरिएको  पनि जानकारी दिएका छन् ।