काठमाडौं । देशभक्त जनगणतान्त्रिक मोर्चा, नेपालका अध्यक्ष सीपी गजुरेलले कोरोना भाइरसको संक्रमित पत्ता लगाउनका लागि सरकारले गर्दै आएको द्रुत परीक्षण (आरडीटी) तत्काल बन्द गर्न माग गरेका छन् । गजुरेलले शुक्रबार एक विज्ञप्ति जारी गर्दै परीक्षणको आरडीटी विधिलाई बन्द गरी पीसीआर विधिको प्रयोग गर्न सरकारसमक्ष माग गरेका हुन् ।
उनले परीक्षण र अन्य स्वास्थ सामग्रीको तुरुन्त व्यवस्था गरिनुपर्नेमा पनि जोड दिएका छन् ।
सरकारले विगतमा गरेका कतिपय गम्भीर गल्ती कमजोरीका कारण आज कोरोना भाइरस नेपालमा पनि तीब्ररुपमा फैलिरहेको भन्दै उनले संक्रमण समुदायमा फैलने चरणमा प्रवेश गरेको उल्लेख गरेका छ । ‘यसको रोकथाम र नियन्त्रणलाई सर्बोपरि राखी आगामी बजेटमा रकमको व्यवस्था गरिनु पर्दछ । परीक्षण, ट्रेसिङका लागि आवश्यक सम्पूर्ण व्यवस्था गरी यसलाई तीब्रता दिइनु पर्दछ । यसमा हुने ढिलाई क्षम्य हुन सक्दैन’, गजुरेलको विज्ञप्तिमा भनिएको छ ।
उनले लकडाउन लागु गर्दा समेत भेदभाव गर्न नहुने भन्दै सबैकालागि समान रुपमा लागु गरिनु पर्नेमा जोड दिएका छन् । यस्तै दैनिक श्रमगरेर धानिने र तल्लो वर्गका जनताको, बेरोजगारहरुको खाने र अन्य दैनिक समस्याको व्यवस्था अनिवार्यरुपमा गरिनु पर्ने भन्दै गजुरेलले वितरण गरिने राहत पनि सबैलाई समान रुपमा वितरण गरिनु पर्नेमा जोड दिएका छन् ।
विज्ञप्तिमा नेपालको सिमानामा आएर अलपत्र परेका नेपाली नागरिकहरुलाई सुरक्षित क्वारेण्टाइनमा राख्ने व्यवस्था मिलाई नेपाल ल्याउने व्यवस्था गर्न सरकारसँग माग गरिएको छ ।
यसैबीच नेकपा क्रान्तिकारी माओवादीका नेता समेत रहेका उनले युद्ध कालका मुद्दालाई सत्य निरुपण आयोग र बेपत्ता छानविन आयोग मार्फत टुंग्याउनुपर्नेमा पनि उनले जोड दिएका छन् ।
प्रतिक्रिया दिनुहोस
सफल खबर संवाददाता
शुक्रबार, २६ बैशाख २०७७, १२ : ३६
लेखकबाट थप
सम्बन्धित समाचारहरु
कोरोना भाइरसविरुद्धको १६ लाख मात्रा खोप ल्याइँदै
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट