एजेन्सी । कोरोना भाइरसको संक्रमणका कारण सबैभन्दा धेरै मानिसको ज्यान जाने देशको सूचिमा बेलायत दोस्रो स्थानमा पुगेको छ । बेलायतमा इटालीमा भन्दा धेरै व्यक्तिको मृत्यु भएको हो ।
जोन हप्किन्स विश्वविद्यालयलको कोरोना भाइरस स्रोत केन्द्रका अनुसार बेलायतमा अहिलेसम्म २९ हजार ५सयभन्दा बढीको कोरोना भाइरसका कारण मृत्यु भएको छ । इटालीमा मृत्यु हुनेको संख्या २९ हजार ३ सय १५ रहेको छ ।
चीनपछि सबैभन्दा खराब रुपमा इटालीमा महामारी फैलिएको थियो । तर पछिल्लो समय इटालीमा संक्रमण तथा मृत्युदर नियन्त्रणमा आउने क्रममा छ । महामारीको उच्च तह पार गरेको बेलायतमा भने अझै पनि संक्रमण र मृत्युदर तुलनात्मक रुपमा बढी रहेको छ ।
स्पेनमा अहिलेसम्म कोभिड–१९ बाट २५ हजार ६ सय १३ तथा फ्रान्समा २५ हजार ५ सय ३७ जनाको ज्यान गएको छ। विश्वमा सबैभन्दा धेरै प्रभावित भएको अमेरिकामा ७१ हजार भन्दा बढीको मृत्यु भइरसकेको छ । अझै पनि अमेरिकामा दैनिक एक हजार भन्दा बढीको मृत्यु भएको छ भने हजारौं संक्रमित थपिने क्रम जारी छ ।
प्रतिक्रिया दिनुहोस
सम्बन्धित समाचारहरु
बेलायतमा रहेका कोइरालासँग तत्कालीन अनमिन प्रमुख मार्टीनको भेट
बेलायत जाँदै शेखर कोइराला
बेलायतमा आप्रावासीको संख्या गत बर्ष मात्रै ९ लाख थपिए
बेलायतको राष्ट्रिय कर्जा आगामी ५० वर्षमा तेब्बर हुने
बेलायतमा डान्स क्लासमा चक्कु प्रहार, २ बालिकाको मृत्यु, ९ घाइते
बेलायतको जलवायु रणनीतिमाथि अदालतको छानबिन